tg-me.com/h_ameer2/25365
Last Update:
الحزن دايم الحزن
عالمهدي وغيابه ... ونيران اغترابه
ودمعتنه اعله بابه
شوكت ننشد شوكت
يظهر للنواظر ... ويسرّ اليناطر
ويطيّب الخواطر
وين ... كشّاف اكروب المظلوم
وين ... بسمة احزان المهظوم
وين ... المنطور ايهلّ بيا يوم
گلوب وعيون اليناطر بيها نار
عالغريب الماله يم الناس دار
والسؤال الثابت العد الغيور
يمته راعي الثار يجبل بالفقار ؟؟
ياصاحب الزمان .... ياصاحب الزمان~~~~
البُعد يذبح البُعد
متغيّب صباحه ... وبالينبض جراحه
تنزف ماكو راحه
تعب بالگلب تعب
چم جمعه غريبه ... مـرّتـنـه مصيبه
مهدينه بمغيبه
موت ... كل لحظه ابلا وجهه الغاب
موت ... كل جمعه ابلا جيته امصاب
موت ... والندبه ادورلها اجواب
صاحب اگلوب الغياره والزمان
غـايب وماندري وين بيا مكان
بكربله ؟ بسامره ؟ لو باارض البقيع ؟
بشام زينب ؟ لو بمسجد جمكران ؟
ياصاحب الزمان .... ياصاحب الزمان~~~~
النظر شابح النظر
عالطّول رجوعه ... النتنطر طلوعه
المهموم بدموعه
النشد زايد النشد
واليمته اعله يمته ... مذبوحه بعتبته
چاوينه اعله بخته
غاب ... باب الله وچفّه المأمول
غاب ... چن گبر الزهراء مجهول
غاب ... وحـال اليتنطر معلول
وين محيي الدين وآثار الرسول
وين ذِلّ العاده حيدر والبتول
وين ثار العلرمح راسه يدور
وجسمه نيشان البواتر والخيول
ياصاحب الزمان .... ياصاحب الزمان~~~~
هضم بالگلب هضم
من باب الزچيه ... لنار الغاضريه
واگيود السبيه
جمر دمعته جمر
عالحرگو خيمها ... الماضل والي يمها
الّـ ذبحو أسمها
راح ... حسين المظلوم العطشان
راح ... كـافلها وكـلّ الوليان
راح ... عن زينب فيّ الخوان
ويلي علوية علي باارض الطفوف
بين نار وموت واخيول وسيوف
وضعن بالبر ضايع بلايه أمان
ماي واتبده الدلال امن الچفوف
ياصاحب الزمان .... ياصاحب الزمان~~~~
سجاد الگريزي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
BY قصائد منبريه مكتوبه 📚
Warning: Undefined variable $i in /var/www/tg-me/post.php on line 280
Share with your friend now:
tg-me.com/h_ameer2/25365